Honatx, argazkiak, testuak eta bideoak metatzen dituen bidai kronika bat. 2004ean Buenos Airesetik abiatu eta nonbaiten finitu zen bidai baten kontaketa.
LAPURRETA ANTZUA
Potosin Iratxeri argazki kamara ebatsi egin zioten. Merkatutik paseoan geundela batenbatek buruan txistu egin zion, eta ondotik pasten zen beste gazte bat, prestu baino prestuago, listua garbitzera hurbildu zitzaion, argazki kamara garbitzen zion bitartean.
Cuscon, argazki kamararekin noala, burura zerbait nazkagarria jaurti didatela sentitu dut. Instintiboki, Iratxeri jazotakoaz akordatu egin naiz eta, hantxe gelditu beharrean, erdi jauzika, aurrera egin dut. 30 metrora jiratu eta buruan bota didaten zopa moduko hori garbitzera zetorren konplizea ikusi dut. Ez aurrera eta ez atzera gelditu da lapurra, jokuz kanpo, nire erreakzioa espero ez zuelakoz. Jendartean nahastu gara.